miércoles, 6 de enero de 2016

Omenagi a Gabriel y Galán 2016

Comu ya es costumbri, oi mos amus juntau an pie dela estauta del Gravielinu pa recordal las letras que esti poeta escrivió, peru más que ná, pa lleval el estremeñu alos cacereñus. L'Asociación Cultural Amigos de la Estatua de Gabriel y Galán aprepara esti actu ondi participa tol que quiera conas sus poesías i testus. Esti añu dierun un premiu al estremeñu Primitivo Rojas pola su carrera profissional i los correspondientis premius alos zagalis que participarun en el certami literariu, dendi ai muchus añus ya, namás ena varianti de poesía en castellanu. Pepe Extremadura estuvu con nusotrus dispués dela su falta el añu passau i mos hizu memoria dela su esperencia vital. Varius poetas leyerun testus propius: el tema dela mairi estuvi presenti alo largu dela mañana, entre los muchachinus i entre los mayoris.

Varius biembrus del OSCEC enantis d'empeçal
Primitivo, Matías i representantis del PROA

El tíu Angeleti
 L'actuación más esperá hue la del tíu Angeleti, con alos 90 añus, echó el Cristu Benditu de cabeça queandu tola genti segá.
Genti a vel el tíu Angeleti


Estudiosu de Gabriel y Galán conas sus palabras sentías

Franquete

Poetissa recitandu a su mairi

El Matías con una delas zagalas premiás

El Cruz a recital las sus poesías en estremeñu
 El Cruz recitó dos delas sus poesías del su libru (acabandu los preparus) Huélliga, con el sentil que lo asseñala i la hondura dela su vos que alevantó el aplausu del púbricu.
El Ismael a echal unas palabras en estremeñu
 El Ismael echó un brevi discursu ondi asseñaló la importancia del estremeñu ena escuela i que sacará en dos entriegas enas próssimas colunas del Periódico Extremadura.
La Paula en el ecenariu con una poesía de Feijóo
 La Paula la Peraliega s'aterminó a leel una poesía a tentu delos niñus derechamenti dendi el mobi. Es la primel ves que participa i atinó con essa letura en estremeñu. La esperamus pa próssimus añus con más poesías.
El Bienvenido con una poesía propia
 El Bienvenido tamién s'arrochó a recital una poesía propia en omenagi a Gabriel y Galán delantri delos assestentis que hiziendu tachuelas s'arrepelotonavan pa quital-si el fríu.
El Joaquín i el Matías a cerral el actu

 El actu lo cerrarun Joaquín García Plata i el propiu apreparaol, Matías, con unas palabras de agraecimientu pola rastrahila de participantis d'esti añu.
Sin embargu, dendi el OSCEC seguimus echandu en falta un certami tamién en estremeñu i una reconocencia aparenti alos autoris que escrivin en lengua vernácula o án escritu anguna ves en ella en Estremaúra. 
Biembrus del OSCEC ala terminación

El OSCEC i una montanchega felís con el regalu delas letras en estremeñu

Ca añu vemus cómu los zagalis echan las sus poesías en castellanu, repunteandu las poesías en estremeñu, xalimegu o portugués, sin calavoración del professorau ni delas demás associacionis colturalis de Caçris. No entendemus por qué no hazin conoceoris alos zagalis d'estas lenguas i se fomentan drentu del certami Gabriel y Galán que tanta tradición tien i que l'associación que aprepara el actu, con socius numerosus, no destienda essa participación tamién ena convocatoria. Quiciá essa lavol pertenecerá al Día delas Letras Estremeñas ondi el xalimegu, el portugués i el estremeñu sí estén presentis i mereçan un reconocimientu más aparenti.

1 comentario: